1960-1971 оны хооронд 32 удаа түрүүлсэн их аварга Тайхогийн "мөнхийн" гэгдэж байсан рекордтой Хакүхо аварга 2014 оны 11-р сарын башёд түрүүлснээр зэрэгцэн ирж байв. Домогт аварга Тайхотой Хакүхо тун сайн харилцаатай байсан бөгөөд 2013 оны 1-р сард Тайхо аваргыг нас барахаас хоёрхон хоногийн өмнө Хакухо удаан хугацаагаар түүнтэй ярилцсан байдаг. Энэ үед Тайхо аварга Хакүход өөрийн түүхэн амжилтыг заавал шинэчлэн тогтоогоорой хэмээн захисан гэдэг. 40 гаруй жил эвдэгдээгүй байсан алдарт 32 түрүүлсэн амжилтыг 2015 оны 1-р сард 33 болгосон билээ.
2021 оны 9-р сард зодог тайлахдаа дээд зиндаанд 45 түрүүлсэн амжилттай байсан бөгөөд түүний энэ олон түрүүлсэн амжилт магадгүй "мөнхийн" рекорд байх. Гэвч "эвдэгдэхийн тулд" л рекорд амжилт байдаг шүү дээ.

1. Хакүхо -45
2. Тайхо - 32
3. Чиёонофүжи - 31
4. Асашорюү - 25
5. Китаноуми - 24
6. Таканохана II - 22
7. Важима - 14
8. Футабаяама- 12
9. Мусашимару - 12
10. Акэбоно - 11 удаа түрүүлсэн.

Хакухо аварга 16 удаа 15-0 буюу нэг ч ялагдалгүй түрүүлсэн (zenshō-yūshō) тоогоор тэргүүлж байна. 1949 оны 5-р сараас хойш нэг башёд 15 өдөр барилддаг болсон бөгөөд үүнээс өмнө харилцан адилгүй буюу ихэнхидээ 10, 11, 12, 13 өдөр барилддаг байсан юм. 

1. Хакүхо - 16
2. Футабаяама, Тайхо - 8
3. Тачияама, Китаноуми, Чиёонофүжи - 7
4. Точигияама - 6
5. Асашорюү - 5
6. Хагурояама, Цүнэнохана, Таканохана II - 4 удаа 15-0 амжилтаар түрүүлж байжээ.

Сүмогийн түүхэнд 7 башё дараалан түрүүлсэн хоёр тохиолдол байдаг бөгөөд хоёулаа Монгол бөхчүүдийн тогтоосон рекорд юм. 2004-2005 оны хооронд их аварга Асашорюү 7 башё дараалан түрүүлсний 6 нь нэг жилд буюу 2005 онд болсон билээ. Жилд болдог 6 башёгийн бүгдэд нь түрүүлсэн цорын ганц тохиолдол байдаг нь энэ юм.

2010-2011 оны хооронд Хакүхо аварга мөн 7 дараалан түрүүлж байсан бөгөөд үүний дөрөвт нь зэншо юшо буюу 15-0 гэсэн амжилтыг үзүүлж байв.

7 башё - Асашорюү (2004-2005), Хакүхо (2010-2011)

6 башё - Тайхо (1962–63), Тайхо (1966–67), Хакүхо (2014–15)

Тухайн башёгийн сүүлийн өдрийн барилдааны дараах байдлаар түрүүлэх бөх тодорхойгүй, 2 болон түүнээс дээш бөхийн амжилт ижил байвал нэмэлт барилдаан хийдэг. Хамгийн олон удаа нэмэлт барилдаан хийж байсан бөх бол Хакүхо аварга бөгөөд нийт 10 удаа барилдаж байснаас 6 тохиолдолд нь өрсөлдөгчөө ялан түрүүлж байжээ. 

Алдарт их аварга Таканохана II мөн 10 удаа нэмэлт барилдаан хийж байснаас тавд нь ялж байв.

‎Китаноүми - 8 удаа (3 ялж, 5 ялагдсан)
Акэбоно‬ – 7 удаа (4 ялж, 3 ялагдсан)
Мусашимару– 7 удаа (1 ялж, 6 ялагдсан)
Чиёонофүжи– 6 удаа (6 ялсан)
Асашорюү– 6 удаа (5 ялж, 1 ялагдсан)
Тайхо – 6 удаа (4 ялж 2 ялагдсан)

Сүмод хөл тавьсан цагаасаа зодог тайлах хүртэл авсан ялалтын тоогоор хамгийн өндөр 10 бөхийн жагсаалтыг хүргэе. 

1. Хакүхо - 1187 (2001-2021)
2. Кайо – 1047 (1988-2011) 
3. Чиоёонофүжи– 1045 (1970-1991)
4. Оошио‬ – 964 (1962-1988) 
5. Китаноуми – 951 (1967-1984) 
6. Кёкүтэнхо – 927 (1992-2015) 
7. Ваканосато – 914 (1992-2015) 
8. Аминишики – 907 (1997-2019)
9. Тайхо – 872 (1956-1971)
10. ‬Тэрао – 860 (1979-2002)

2001 онд анхны барилдаанаа хийж байсан Хакүхо 2004 оноос дээд зиндаа буюу Макүүчид барилдаж эхэлсэн юм. Сумогийн түүхэнд макүүчи зиндаанд 1000 ба түүнээс дээш ялсан ганц л бөх байгаа нь Хакухо аварга билээ.

1. Хакүхо - 1093 (2004-2021)
2. Кайо - 879 (1993–2011)
3. Чиёонофүжи - 807 (1975–91)
4. Китаноуми - 804 (1972–84)
5. Тайхо - 746 (1960–71)
6. Котошогикү - 718 (2005-2020)
7. Кисеносато - 714 (2004-2019)
8. Харүмафүжи - 712 (2004-2017)
9. Мусашимару - 706 (1991–2003)
10. Таканохана II - 701 (1990–2003)

Нэг жилд зургаан башё болдог бөгөөд башё бүр нь 15 өдрийн барилдаантай учир дээд зиндааны бөхчүүд нэг жилд 90 барилдаан хийдэг. Жилд хамгийн олон даваа авсан бөхчүүдийг жагсаавал:

1. Хакүхо 86 (2009), Хакүхо 86 (2010)
2. Асашорюү 84 (2005)
3. Китаноуми 82 (1978), Хакүхо 82 (2013)
4. Тайхо 81 (1963), Хакүхо 81 (2014)

1927 оноос сумогийн систем өөрчлөгдсөн бөгөөд үүнээс хойшхи бөхчүүдийн даваа унааны харьцааг хувиар илэрхийлбэл их аварга Хакүхо жагсаалтыг тэргүүлнэ. Тэрээр 1093 ялж 199 унаснаар 84.6 хувийн амжилттайгаар тэргүүлж байна.

2. Тайхо 746-144 буюу 83.8% (1960-1971)
3. Футабаяама 276-68 буюу 80.2% (1932-1945)
4. Асашорюү 596-153 буюу 79.6% (2001-2010)
5. Хагүрояама 321-94 буюу 77.3% (1937-1953)
6. Китаноуми 804-247 буюу 76.5% (1972-1985)

Хакухо аваргын энэхүү амжилт ирээдүйд эвдэгдэхэд бас л хэцүү байх болов уу.

1. Хакүхо 84
2. Китаноуми 63
3. Чиёонофүжи 59
4. Тайхо 58
5. Таканохана II 49
6. Акэбоно 48
7. Кашивадо, Важима 47
8. Асашорюү 42
9. Какурюү 41 башё ёкозүна цолтойгоор тус тус барилджээ.

Дараалан ялсан тоогоороо алдарт аварга Футабаяама 69 даваагаар нэгд бичигддэг. Харин 2-р байранд 63 дараалан ялсан амжилтаар Таниказе, Хакүхо нар ордог байна. 2010 оны 11-р сарын башё эхлэхэд Хакүхо аварга 62 дараалан давсан амжилттай явж байсан бөгөөд тус тэмцээний 2 дахь өдөр Маэгаширагийн 1-ээс босч барилдсан Кисеносатод унаснаар энэ агуу амжилт нь зогссон түүхтэй. Аваргын хувьд өөрийн карьерийнхаа туршид ердөө тавхан удаа маэгашира цолтонд унасны нэг тохиолдол нь энэ билээ.