Хэчнээн хөгширсөн ч ухаан санааг тань саруул тунгалаг байлгаж чадах хэд хэдэн хүнс бий. Корнелийн их сургуулийн судалгаагаар алимны найрлаганд альцгеймерийн өвчнөөс урьдчилан сэргийлэх бодис байдаг байна.

Авокадо нь тархинд сайн нөлөөтэй бөгөөд цусны эргэлтийг сайжруулж, даралтыг тогтворжуулдаг. Түүнээс гадна үрэвслийн эсрэг үйлилгээтэй, тархины хөгшрөлтийг удаашруулж, танин мэдэх, сурах чадварыг хадгалахад тустай. Мөн авокадонд агуулагддаг их хэмжээний В, Е витамин, кали нь арьсыг эрүүл, залуу байхад туслана.

Тарвас нь маш их шингэн агуулдаг учир бие эрхтнийг чийгшүүлдэг. Мөн их хэмжээний эрдэс бодис, антиоксидант, витамин агуулдаг. Тарвас их идэх нь арьс чийгшүүлж, үрчлээг багасгах ид шидтэй. 

Итгэхэд хэцүү ч гэсэн улаан дарсанд агуулагддаг флавоноид хэмээх бодис нь тархины эд эсийг сэргээж, ой тогтоолтонд сайн нөлөө үзүүлдэг болох нь тогтоогджээ.

Буржгар байцаа нь эрүүл хооллодог хүн бүрийн цэсэнд байх болсон сүүлийн үеийн супер хүнс юм. Буржгар байцаанд агуулагддаг омега-3 тос нь тархины үйл ажиллагаанд маш сайн бөгөөд эсийн түвшинд хүртэл сайн нөлөө үзүүлдэг байна.

Нэрс, гүзээлзгэнэ зэрэг жимс антиоксидант агуулсан байдаг учир хөгшрөлтийн эсрэг идвэхтэй үйлилгээ үзүүлдэг. Мөн флавоноид хэмээх бодис ихээр агуулдаг учир урт болон богино хугацааны ой санамжийг сайжруулан, тархины эсийг хамгаалж, үрэвслийн эсрэг үйлчилгээ үзүүлдэг байна. С витамин ихээр агуулдаг учир арьсны уян хатан чанарыг сайжруулж, өнгөлөг гэрэлтсэн болгодог.

Анар жимс нь арьсинд шаардлагатай коллагенийг агуулдаг учир арьсанд тэжээл өгч, үрчлээг багасгах шидтэй. Мөн их хэмжээний эрдэс бодис, витамин агуулдаг учир зөвхөн гоо сайхан төдийгүй эрүүл мэндэд ч маш сайн нөлөөтэй.

Улаан лоолинд агуулагддаг лисопин хэмээх бодис нь арьсыг чөлөөт радикалуудаас хамгаалдаг байна. Лисопин нь арьсыг чангалж, коллагены дутагдлыг нөхөх үйлчилгээтэй. Мөн тархинд сайн нөлөөтэй бөгөөд альцгеймерын өвчнөөс урьдчилан сэргийлдэг гэнэ.

Амт муутай ч шим тэжээлээр баялаг тус ногоонд С, Е витамин, хүнсний эслэг, төмөр, кальци гээд эрүүл мэнд, гоо сайханд хэрэгтэй олон ашигт бодис бий. 

Хоол амтлагч энэ ногоо нь үрэвсэл, бактерын эсрэг үйлчилгээтэй бөгөөд биеийн галбираа хадгалахад ч сайн нөлөөтэй. Мөн тархины үйл ажиллагааг дэмждэг учир хөгшрөлтөөс үүдэлтэй ой санамж муудах асуудлаас урьдчлан сэргийлнэ.