Арабын болон Азийн орнуудаас цөлгүй цорын ганц улс.
Мөн газар нутгийн хэмжээгээр Азийн эх газар дахь хамгийн жижиг туурга тусгаар улс.
Нэрийн утга: Ливаны уулсыг нэрийдсэн “лбн” хэмээх эртний финик үгээс үүсэлтэй гэж үздэг. Энэ нь “цагаан” гэсэн утгатай.
Албан ёсны нэр: Ливаны Бүгд Найрамдах Улс
Засаглалын хэлбэр: Парламентын, бүгд найрамдах
Улсын уриа: байхгүй
Төрийн дуулал: “Бид бүгд эх орныхоо төлөө”
Нийслэл: Бейрут
Мөнгөн тэмдэгт: ливан паунд
Сири, Израильтай хил залгаа, байршлын хувьд Азид хамаарах ч хэл соёл, үүх түүхээрээ өрнө, дорно, Арабын ертөнцийн аль алинынх нь салшгүй хэсэг болох Ливан улс 1941 оны арваннэгдүгээр сарын 26-нд Францаас туурга тусгаарлажээ. Иргэдийнх нь дийлэнх олон нь дээд боловсролтой, араб, франц, англи гэсэн гурван хэлтэй энэ сонирхолтой улс бүс нутгийнхаа хамгийн хөгжингүй орнуудын нэг юм. Ливаны хилийн дотор дөрвөн сая, хилийн чанадад арваад сая ливанчууд аж төрдөг гэх судалгаа бий. Ливан гаралтай алдартнуудаас дэлхийн хамгийн баян хүний нэг Карлос Слим, жүжигчин Сальма Хайек, дуучин Шакира нарыг дурдаж болох юм.
Арабын болон Азийн орнуудаас цөлгүй цорын ганц улс.
Мөн газар нутгийн хэмжээгээр Азийн эх газар дахь хамгийн жижиг туурга тусгаар улс.
Газар дундын тэнгис орчмын бүс нутгийн зүүн хагаст нэн түгээмэл хуш модыг Ливаны хуш гэдэг. Мөнх ногоон хуш мод тус улсын төрийн сүлд, далбаанд залаатай бий.
Банк, санхүүгийн системээрээ Ойрхи Дорнодод алдартай тул дорнын Швейцарь гэгддэг. Тус улс 100 гаруй банктай.
2015 оны тавдугаар сард Дэлхийн шинэ долоон гайхамшгийн хотуудын төрөлд шилдэг долоогийн тоонд багтсан нийслэл Бейрут хотыг нь дорнын Парис гэдэг. Бейрут хот долоон удаа сүйрч, долоон удаа дахин баригдсан түүхтэй.
Ливан хүмүүсийг арабчууд гэж эндүүрэх нь түгээмэл байдаг. Харин одоогийн Ливаны хүн амын 95 хувь нь эртний финикчүүдийн үр хойчис юм. Түүхэн дэх анхны далайчид гэгддэг финикчүүдийг Кристофер Колумбаас ч өмнө Америкт хүрсэн гэж зарим судлаач үздэг.
Ливан хэмээх нэр дөрвөн мянганы өмнөөс түүхэнд бичигджээ. Библийн сударт Ливаны нэр 75 удаа дурдагддаг.
Хүн амынх нь 40 орчим хувь загалмайтны шашинтан. Энэ нь Ойрхи Дорнодын бусад орныхтой харьцуулахад хамгийн өндөр тоо юм. Албан ёсны 18 шашинтай. Шашин хоорондын зөрчлийг дэвэргэхгүйн тулд 1932 оноос хойш хүн амын нэгдсэн тооллого хийгээгүй.
Газар нутгийн байршил, онцлогоосоо болж түүхэндээ нийт 16 улсад эзлэгдэж байв. 1975-1991 онд иргэний дайнтай байсан.
Арван хүнд нэг эмч ногддог үзүүлэлтээр дэлхийд тэргүүлдэг орны нэг. АНУ, Европын зуун хүнд нэг эмч ногддог.
Нийтийн тооллын өмнө 5000-гаад онд байгуулагдсан Библ (Byblos) хот өнөөг хүртэл хүн оршин сууж буй, дэлхийн хамгийн эртний хотын нэг юм. Ливаны хойд хэсэгт орших уг хотын нэрээс Библийн судрын нэр үүдэлтэй гэх таамаг бий.
АНХААРУУЛГА: Уншигчдын бичсэн сэтгэгдэлд ARAV.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
