Хог хаягдлаар дүүрсэн, орхигдож хаягдсан барилгад ганцаар сууж буй цагаач эр.

Сербийн гэрэл зурагчин Зоран Милутинович.

Керала мужийн нутагт үер буужээ.

Энэтхэгийн гэрэл зурагчин Ражу Гоош.

Цэлмэг тэнгэрийн зурагтай аварга том хананы дэргэдүүр өнгөрч буй ээж, хүү хоёр.

Ираны гэрэл зурагчин Эхсан Жазини.

“Хүмүүс бидний хуванцар хог хаягдал хэчнээн алс хол хүрдэгийг энэ зургаас харж болно. Хойд мөсөн далайн буйдхан хэсэгт буй хөөрхий бамбаруушнууд энэ мэт хортой, “шинэ” тоглоомоор тоглох болоод удаж байна”.

Британийн гэрэл зурагчин Кевин Морганс.

Бангладешийн Буриганга мөрний бохирдол хэрээс хэтэрчээ.

Энэтхэгийн гэрэл зурагчин Тапаан Кармакар.

2017 оны арваннэгдүгээр сарын 12-нд Иран, Иракийн нутагт болсон хүчтэй газар хөдлөлтийн дараа Ираны Сарпол-э-Захаб хотод эх, охин хоёр гэрээсээ авч гарсан эдлэл хэрэглэлийнхээ дэргэд, байшин барилгын нуранги дунд зогсож байгаа нь. Уг гамшгаар 600 гаруй хүн амь үрэгдсэн юм.

Ираны гэрэл зурагчин Юүнэс Кани Софлай.

Шри Ланкийн эрэг хөвөөнд халим эрж явсан хэсэг аялагчдын нэг нь загасны торонд орооцолдсон тэнгисийн яст мэлхийтэй таарчээ. Энэ зургийг дарсны дараа шумбагчид яст мэлхийг торноос нь салгасан байна.

Хятадын гэрэл зурагчин Жинь Ли.

“Нэг минут тутамд сая гаруй хуванцар сав хаягддаг гэх судалгаа бий. Тэдгээрийн 90 хувь нь дахин ашиглагддаггүй бөгөөд хаягдал савнууд Борнео арал шиг дэлхийн хамгийн хязгаар нутгуудын нэгэнд хүртэл хүрдэг. Надтай тааралдсан өмнөдийн гахай сүүлт энэ макак сармагчин нэг хуванцар савыг ихэд сониучирхан шинжсэнээ гэнэтхэн бодолхийлсэн төрхтэй болсон юм”.

Малайзийн гэрэл зурагчин Калвин Ке.

Ган гачигт нэрвэгдсэн Хойд Энэтхэгийн нутаг.

Гэрэл зурагчин Чинмой Бисвас.

Урмиа нуурын давсанд суугаа эвдэрч, хаягдсан хөлөг. Сүүлийн хэдхэн жилийн дотор ердийн хэмжээнээсээ даруй 10 гаруй хувиар ширгээд буй энэ нуур уур амьсгалын өөрчлөлтөөс үүдэлтэй ган гачгаас гадна тусгай зөвшөөрөлгүй худаг гаргах, далан татах зэрэг хүний зүй бус үйлдлээс болж их хэмжээгээр ширгэн, галав юүлсэн газрын давст цөөрөм адил болжээ. Ойр орчимд нь аж төрдөг иргэдийн дунд нүд, уушги, арьсны өвчлөл их байгаа нь нуурын бохирдол, давстай шууд холбоотой бөгөөд нуурын давсны хэмжээ литр тутамд 340 грамм байгаа нь далайн шорвог усныхаас найм дахин их гэсэн үг юм.

Ираны гэрэл зурагчин Саийд Мохаммадзадех